Axtarış...
Azərbaycan Respublikasının Xüsusi Rabitə və İnformasiya Təhlükəsizliyi Dövlət Xidməti tərəfindən AzTU tələbələri mükafatlandırılmışdır
Azərbaycan Respublikasının Xüsusi Rabitə və İnformasiya Təhlükəsizliyi Dövlət Xidməti ilə Azərbaycan Texniki Universiteti (AzTU) arasında 2022-ci il 5 noyabr tarixində imzalanan əməkdaşlıq haqqında memorandumda nəzərdə tutulmuş müvafiq bəndin icrası ilə bağlı universitetin informasiya təhlükəsizliyi ixtisasında təhsil alan bakalavr və magistr tələbələri arasında müsabiqə keçirilmişdir.
Ulu öndər Heydər Əliyevin 100 illiyinə həsr olunan iki mərhələli müsabiqədə tələbələrin kibertəhlükəsizlik sahəsində biliklərinin yoxlanılması və təqaüdlərin verilməsi nəzərdə tutulmuşdur.
Müsabiqənin nəticələrinə əsasən, AzTU-nun İnformasiya və telekommunikasiya texnologiyaları fakültəsinin (bakalavriat səviyyəsi) 2-ci kurs tələbəsi Tərlan Haqverdi və 4-cü kurs tələbəsi Samir Əbilhəsənli, “SABAH Magistratura” proqramının (kibertəhlükəsizlik ixtisası üzrə) 1-ci kurs tələbələri Sənan Vəlizadə və Aytac İbrahimova xüsusi fərqlənmişlər.
Qaliblər Azərbaycan Respublikasının Xüsusi Rabitə və İnformasiya Təhlükəsizliyi Dövlət Xidməti tərəfindən təqaüdlə mükafatlandırılmışlar.
Memorandum çərçivəsində növbəti semestrlərdə də xüsusi fərqlənən tələbələrə təqaüdlərin verilməsi üçün müsabiqələrin keçirilməsi nəzərdə tutulur.