Axtarış...
XRİTDX “AmCham” tərəfindən təşkil olunan “İnnovasiyalar və Süni İntellekt” Konfransında iştirak edib
Cari ilin 2 oktyabr tarixində Azərbaycan Amerika Ticarət Palatasının (AmCham Azerbaijan) təşkilatçılığı ilə “İnnovasiyalar və Süni İntellekt” mövzusunda Konfrans keçirilmişdir. Tədbirdə dövlət-özəl sektorların nümayəndələri və sahə üzrə ekspertlər süni intellekt və rəqəmsal transformasiya üzrə müasir tendensiyaları, həmçinin innovativ həllərin tətbiq imkanlarını müzakirə etmişlər.
Xüsusi Rabitə və İnformasiya Təhlükəsizliyi Dövlət Xidmətinin (XRİTDX) baş idarə rəisinin müavini Tural Məmmədov “Qlobal Trendlər və İnnovasiya: Gələcəyin Planlaşdırılması” mövzusunda keçirilən panel müzakirəsində çıxış etmişdir. O, çıxışında kibercinayətkarlıq və dələduzluq sahəsində süni intellektin yaratdığı yeni təhdidlər – səsin klonlanması, “deepfake” texnologiyaları və fərdiləşdirilmiş fişinq hücumları haqqında, , bizneslərin və fərdi şəxslərin bu risklərdən müdafiə mexanizmləri barədə ətraflı məlumat vermişdir. Eləcə də, T.Məmmədov Azərbaycan Respublikasının 2025–2028-ci illər üçün süni intellekt Strategiyasınından irəli gələn tələblərə əsasən XRİTDX-nin dövlət qurumlarında süni intellektin tətbiq edildiyi sahələrdə informasiya təhlükəsizliyi risklərinin təhlilini həyata keçirməsi, o cümlədən dövlət qurumlarında süni intellektlə bağlı informasiya təhlükəsizliyinin təmin edilməsi üçün görülən işlər barədə tədbir iştirakçılarını məlumatlandırmışdır..
Panelin əsas məqsədi süni intellektin inkişafı fonunda cəmiyyətə, texnologiyaya və iqtisadiyyata təsir edən qlobal dəyişikliklər haqqında =tədbir iştirakçılarına məlumat verməkdən olmuşdur.
